अशोक खरात दुसऱ्या गुन्ह्यात SIT च्या ताब्यात, जेलमधून ताबा घेतला, पुन्हा प्रश्नांच्या फैरी

अशोक खरात याला न्यायालयाने तीन वेळा पोलीस कोठडी दिली होती. आज चौथ्यांदा त्याला न्यायालयासमोर हजर करण्यात आले. न्यायालयाने दोन्ही बाजूंकडील युक्तिवाद ऐकून त्याला १४ दिवसांची न्यायालयीन

कोठडी सुनावली. त्यानंतर विशेष पोलीस पथकाने दुसऱ्या गुन्ह्याच्या संदर्भात न्यायालयाकडे अर्ज केला. पोलिसांनी खरातल्या ताबा घेतल्यानंतर त्याच्यावर पुन्हा प्रश्नांची सरबत्ती होण्याची शक्यता आहे.

अशोक खरात याला उद्या ताब्यात घेणार अशी चर्चा सुरू असताना अशोक खरात याला आजच विशेष पोलीस पथकाने ताब्यात घेतल्याची माहिती खात्रीलायक सूत्रांनी दिली. दुपारी पावणे तीनच्या सुमारास खरात याला कारागृहातून ताब्यात घेण्यात आले.

अशोक खरातविरोधात आतापर्यंत ११ पीडितांनी तक्रार दाखल केली आहे. अशोक खरात विरोधात लैंगिक शोषण, आर्थिक फसवणूक आणि इतरही अनेक कारनाम्यांची जंत्री वाढतच चालली आहे. महिलांवरील अत्याचार आणि आर्थिक फसवणुकीचे गंभीर गुन्हे दाखल असलेल्या भोंदूबाबा अशोक खरातचा तपास करण्यासाठी विशेष तपास पथकाला अधिक कालावधीची गरज असल्याचा सरकारी पक्षाने युक्तिवाद केला. मात्र न्यायालयाने खरातला १४ दिवसांची पोलीस कोठडी दिली.

नाशिकच्या विकृत भोंदूच्या काळ्या कारनाम्यांनी महाराष्ट्र हादरून गेलाय. बड्या बड्या नेत्यांचा गुरु असलेल्या कॅप्टन अशोक खरातच्या अनेक कारनाम्यांचा भांडाफोड होतोय. लोकांची कुंडली सांगणाऱ्या कॅप्टन खरात याच्या काळ्या कारनाम्यांची अख्खी कुंडलीच पोलिसांच्या हाती लागली आहे.