श्रद्धेच्या नावाखाली नरभक्षण, इथे मृत नातेवाईकांचा मांस खाण्याची आहे भयानक प्रथा; कारण ऐकाल तर धक्काच बसले

मुंबई : जगभरात विविध संस्कृती आणि त्यांच्या परंपरा पाहायला मिळतात. सण-उत्सव साजरे करण्याच्या पद्धती प्रत्येक ठिकाणी वेगळ्या असतात. आपल्याकडे प्रिय व्यक्तीचा मृत्यू झाला की आपण त्यांच्या आत्म्याला शांती मिळावी म्हणून विधिवत अंत्यसंस्कार करतो. पण, जगाच्या एका कोपऱ्यात अशीही एक जमात होती, जी आपल्या मृत नातेवाईकाचा मृतदेह दफन न करता किंवा न जाळता चक्क खातात. हे ऐकायला खूप भयानक आणि किळसवाणं वाटत असलं, तरी या जमातीसाठी हे प्रेम आणि आदराचं प्रतीक होतं. मात्र, याच परंपरेने अशा एका गूढ आजाराला जन्म दिला, ज्याने या जमातीतील महिलांचे अस्तित्वच धोक्यात आणले.