Eating Banana empty stomach: सकाळी उठल्या-उठल्या केळी खात आहात? शरीरावर होतील ‘हे’ परिणाम; जाणून घ्या रिकाम्या पोटी केळी खाण्याचे फायदे आणि तोटे

मुंबई : केळं हे एक असं फळ आहे जे लहानमोठ्यांपासून अनेकांना आवडतं. केळ्यात असलेल्या फायबर्समुळे अन्न पचायला मदत होते आणि अपचन बद्धकोष्ठता आणि गॅसेसच्या समस्यापासून सुटका होते. केळी खाल्ल्याने भूक नियत्रंणात राहते, त्यामुळे जेवणापूर्वी केळी खाल्ल्यास अतिरिक्त कॅलरीज पोटात जाण्याचा धोका टळतो. तर, जेवणानंतर केळी खाल्ल्यास अन्न पचायला मदत होते. केळ्याचे असे अनेक फायदे जरी असले तरीही केळ्यांमध्ये असलेल्या फ्रुक्टोज म्हणजेच नैसर्गिक साखरेमुळे डायबिटीस असणाऱ्या व्यक्तींसाठी केळी खाणं धोक्याच ठरू शकतं. याशिवाय वजन कमी करण्यासाठी अनेक जण केळी खाण्याचा सल्ला देतात. त्यामुळे अनेक जण सकाळी उठल्यावर रिकाम्यापोटी केळी खातात. मात्र उपाशी पोटी केळी खाल्ल्याने भूक कमी होऊन शरीराला खरंच फायदा होईल ? की अन्य काही आरोग्यविषयक समस्यांचा सामना करावा लागू शकतो ? असा प्रश्न आपल्या मनात उद्भवू शकतो.