एअरपोर्टवर लॅपटॉप बॅगमधून बाहेर का काढायला सांगतात? गॅरंटी आहे तुम्हालाही माहिती नसेल 'सिक्रेट'

विमानतळावर सामानाची तपासणी करण्यासाठी एक्स-रे स्कॅनर मशीन वापरली जाते. लॅपटॉपमध्ये अनेक दाट भाग असतात, जसे की बॅटरी, सर्किट बोर्ड्स आणि धातूचे आवरण. जेव्हा लॅपटॉप बॅगमध्ये असतो, तेव्हा त्याचे दाट भाग एक्स-रे स्क्रीनवर एका मोठ्या काळोख्या भिंतीसारखे दिसतात. या दाट भिंतीमुळे स्कॅनर चालवणाऱ्या सुरक्षा अधिकाऱ्याला लॅपटॉपखाली किंवा त्याच्या आजूबाजूला ठेवलेल्या इतर वस्तू स्पष्टपणे दिसत नाहीत. जर एखाद्याने लॅपटॉपच्या मागे किंवा खाली एखादी प्रतिबंधित वस्तू किंवा धोकादायक वस्तू लपवली असेल, तर ती या भिंतीच्या 'आड' लपून राहू शकते. यामुळे, लॅपटॉपला वेगळ्या ट्रेमध्ये ठेवून स्कॅन केल्यास, बॅग आणि लॅपटॉप या दोन्ही गोष्टींची तपासणी स्पष्टपणे होऊ शकते.