Arthritis : संधिवात कसा होतो ? संधिवात होऊ नये यासाठी काय करायचं ? जाणून घ्या या हेल्थ टिप्स

संधिवात हा सांध्यांचा एक दाहक विकार आहे. सांध्याभोवतीच्या ऊतींवर यामुळे परिणाम होतो, ज्यामुळे सांधेदुखी आणि कडकपणा येतो. संधिवाताचे शंभरपेक्षा जास्त प्रकार आहेत.

PM2.5, हे धोकादायक सूक्ष्म कण फुफ्फुसांमधे खोलवर जातात. त्यांच्या संपर्कात आल्यानं हृदय आणि फुफ्फुसांचे आजारच होतातच तसंच संधिवातासारखे विकार देखील होऊ शकतात. याचा अर्थ प्रदूषण देखील संधिवात होण्यास कारणीभूत ठरत आहे. चीन आणि आता भारतातील अलिकडच्या अभ्यासातून हे दिसून आलं आहे.

संधिवाताच्या वेदनांमुळे हालचाली मर्यादित होतातच तसंच साधी दैनंदिन कामंही कठीण होतात. सतत वेदना आणि सूज व्यक्तीला थकवून टाकते. पण निरोगी जीवनशैलीनं हा आजार टाळता येतो. चांगला आहार आणि दररोज योगासनं केल्यानं संधिवात होण्याचा धोका कमी होऊ शकतो.

संधिवाताच्या वेदनांसाठी घरगुती उपाय - घामराच्या तेलानं मालिश केल्यानं किंवा पानांची पेस्ट लावल्यानं संधिवाताच्या वेदना आणि सूज कमी होते. गुग्गुळ हे औषध सांधेदुखी आणि संधिवात यासह विविध आजारांवर प्रभावी आहे. यामुळे सांधेदुखी, सूज आणि स्नायूंचा कडकपणा कमी होतो. अळशी, अक्रोड आणि मासे यांसारखे ओमेगा-3 असलेले पदार्थ सूज आणि वेदना कमी करतात.

हळदीच्या दुधानं नैसर्गिकरित्या वेदना आणि सूज कमी होते, कारण हळदीतील करक्यूमिनमध्ये दाहक-विरोधी गुणधर्म असतात. मेथीचे दाणे रात्रभर भिजवून सकाळी चावल्याने सांधेदुखी आणि जडपणा कमी होतो. लसणाचे औषधी गुणधर्म गुडघ्याची सूज कमी करतात, विशेषतः तुपात तळून खाल्ल्यानं याचा प्रभाव जास्त जाणवतो. तीळ किंवा मोहरीच्या कोमट तेलानं मालिश केल्यानं रक्ताभिसरण सुधारतं आणि वेदना कमी होतात.