Sindhudurg: सिंधुदुर्गमध्ये शिरोडा समुद्र किनाऱ्यावर धक्कादायक घटना, ३ पर्यटक बुडाले

सिंधुदुर्ग :  सिंधुदुर्गमधून एक धक्कादायक बातमी समोर आली आहे. शिरोडा येथे पर्यटनासाठी आलेल्या पर्यटकांपैकी  8 जण  समुद्रात बुडाल्याची घटना घडली आहे. सुदैवाने या घटनेमध्ये ४ जणांना वाचवण्यात यश आलं आहे. पण, इतर ४ जण बेपत्ता असल्याची माहिती समोर आली आहे. बेपत्ता पर्यटकांचा शोध सुरू आहे.

वेळागर येथील समुद्रात दुपारी ४:४५ दरम्यान ८ पर्यटक बुडाल्याची घटना घडली आहे. सदर पर्यटकातील ४ जणांना समुद्रातून बाहेर काढण्यात आलेलं आहे. यातील ३ पर्यटक मयत असून एक पर्यटक (महिला) अत्यवस्थ आहे. सदर महिलेस शिरोडा ग्रामीण रुग्णालय इथं दाखल करण्यात आलं आहे. उर्वरित ४ पर्यटकांचा शोध सुरू आहे.

१.फरहान इरफान कित्तूर, वय 34, रा. लोंढा, बेळगाव (मयत)

१. इरफान मोहम्मद इसाक कित्तूर (वय 36 रा. लोंढा, बेळगाव)

सिंधुदुर्ग जिल्हा हा एक पर्यटक जिल्हा आहे. या काळामध्ये मोठ्या प्रमाणात पर्यटक सिंधुदुर्गात येत असतात. त्यामुळे अशा घटना घडू नये म्हणून प्रशासनाकडून पोलीस बंदोबस्त तैनात करण्यात आलेला असतो. घटनेची माहिती घेण्यात आली असून पोलीस प्रशासनाकडून शोधकार्य सुरू आहे. एकूण ८ जण होते. यापैकी ४ जणांना वाचवण्यात आलं आहे. ४ पर्यटकांना वाचवण्यासाठी स्थानिक मच्छिमार मदत करत आहे, घटनास्थळी मदतकार्य सुरू आहे, अशी माहिती सिंधुदुर्गचे पालकमंत्री नितेश राणे यांनी दिली.