सांगलीत लाडक्या बहिणींना धक्का! जिल्ह्यात 'इतक्या' लाख महिला अपात्र, शासनाने 25 कोटींचा निधी रोखला 

निवडणुकीपूर्वी मोठ्या उत्साहात सुरू झालेल्या या योजनेत सुरुवातीला 7 लाख 35 हजार 944 अधिक महिला लाभार्थी होत्या. मात्र, योजनेत अनेक बोगस लाभार्थी घुसल्याच्या तक्रारीनंतर शासनाने कठोर पाऊले उचलत लाभार्थ्यांची झाडाझडती सुरू केली. या पडताळणीत धक्कादायक माहिती समोर आली. अनेक महिला शासकीय नोकरीत असूनही योजनेचा लाभ घेत होत्या, तर काहींच्या नावावर चारचाकी गाडी होती. काही कुटुंबांमध्ये दोनपेक्षा अधिक महिलांनी अर्ज केले होते, जे नियमांचे उल्लंघन होते.