अरबी समुद्र खवळला, कर्नाटकच्या किनाऱ्यावरुन येतंय संकट, 24 तासात हवामानात मोठे बदल

हवामान तज्ज्ञ डॉ. तृषाणू बनिक यांनी दिलेल्या माहितीनुसार किमान तापमानात २ ते ३ अंशांची वाढ संभवते. विदर्भ-मराठवाड्यात ढगाळ वातावरण निवळल्यानंतर थंडीचा कडाका पुन्हा जाणवेल. मुंबई-कोकणात मात्र हवेतील आर्द्रता वाढल्याने काहीसा उकाडा जाणवू शकतो, पण पहाटे गारवा राहील. उत्तर भारतातून येणाऱ्या वेस्टर्न डिस्टर्बन्समुळे १९ जानेवारीनंतर महाराष्ट्रातील हवामानात पुन्हा एकदा मोठे बदल होण्याची शक्यता वर्तवण्यात आली आहे.

केरळ आणि कर्नाटकाच्या समुद्र किनाऱ्यावर सायक्लोनिक सर्क्युलेशन तयार झालं आहे. त्यामुळे समुद्र खवळला असून मासेमारी करणाऱ्यांनी खोल समुद्रात न जाण्याचं आवाहन केलं आहे. या बदलाचा परिणाम कोकणात दिसून येणार आहे. कोकणातील हवामानात मोठे बदल होऊ शकतात. सोसाट्याचा वारा आणि ढगाळ हवामान राहणार आहे. थंडी हळूहळू कमी होणार आणि उकाडा वाढणार आहे.