एक दोन वेळा सांगेन, तिसऱ्यांदा मकोका, मग चक्की पिसिंग पिसिंग, बीडमध्ये जाऊन अजित पवारांनी ठणकावले

सुरेश जाधव, प्रतिनिधी, बीड : सरपंच संतोष देशमुख आणि परळी येथील व्यवसायिक महादेव मुंडे यांच्या हत्येने बीड जिल्ह्यातील वाढत्या गुन्हेगारीचे वास्तव महाराष्ट्रासमोर आले. आरोपींना कायद्याचा धाक उरला नाही, बीडचे बिहार झाले आहे, अशी टीकाही विरोधकांकडून झाली. याच पार्श्वभूमीवर उपमुख्यमंत्री अजित पवार यांनी गुरूवारी बीडमध्ये जाऊन तरूणांना ठणकावले. कायदा पाळा, शिस्त पाळा, गुन्हेगारीपासून दूर राहा नाही तर लहान मोठा बघणार नाही थेट तुरुंगात टाकेन, असा इशाराच त्यांनी दिला.