मिरची पिकाचे नुकसान टाळण्यासाठी कोणत्या उपाययोजना कराव्यात?, शेतकऱ्यांसाठी महत्त्वाची माहिती, VIDEO

अमरावती - अमरावती जिल्ह्यात यावर्षी मिरची पिकाचे फार मोठे नुकसान झाले आहे. काही मोजक्या लोकांची मिरची बऱ्यापैकी आहे. तर अनेकांनी मिरची उपटून फेकली आहे. अती पाऊस, सदोष मिरचीचे रोप, मिरचीच्या लागवडीमध्ये उशीर, चुकीच्या पद्धतीने लागवड ही मिरची पिकाचे नुकसान होण्याची कारणे आहेत. त्यामुळे हे नुकसान टाळण्यासाठी कोणत्या उपाययोजना केल्या पाहिजेत, ते आज आपण जाणून घेऊयात.

अमरावती येथील कृषीतज्ज्ञ श्यामसुंदर ताथोडे यांनी याबाबत माहिती दिली. लोकल18 शी बोलताना त्यांनी सांगितले की, मिरची पिकाचे नुकसान होण्यापासून वाचवायचे असेल तर शेतकऱ्यांना योग्य ती काळजी घेणे गरजेचे आहे. त्यामध्ये सर्वात आधी मिरचीचे रोप महत्वाचे आहेत. आपण मिरचीचे रोप आणले ते नेमके कसे आहे? ते सदोष आहेत का? या सर्व गोष्टी तपासून घेणे आवश्यक आहे. काही वेळा मिरचीचे रोपच खराब असल्याने मिरची पिकाचे नुकसान होते.