Amravati : अमरावतीत नेत्यांचा वाद थांबेना, यशोमती ठाकूरांची जीभ घसरली; नवनीत राणांनीही सुनावले

अमरावती, 13 सप्टेंबर : लोकसभा निवडणुकीला अजून बराच कालावधी आहे. मात्र त्याआधीच अमरावती जिल्ह्यात वातावरण तापलं आहे. आमदार बच्चू कडू, आमदार रवी राणा व आमदार बळवंत वानखडे यांच्यातील वाद अजून शमलेला नाही. त्यातच आता अमरावती लोकसभेच्या खासदार नवनीत राणा व तिवसा मतदारसंघातील काँग्रेसच्या आमदार यशोमती ठाकूर यांच्यातही शाब्दिक वाद रंगला आहे. खासदार नवनीत राणा यांच्यावर टीका करताना यशोमती ठाकूर यांची जीभ घसरली. यानंतर खासदार नवनीत राणा यांनी यशोमती ठाकूर यांना सुनावले.