संभाजीनगर-जालना रस्त्यावर भीषण अपघात, बसच्या केबिनचा चक्काचूर

संभाजीनगर: छत्रपती संभाजीनगर- जालना रस्त्यावर महाराष्ट्र राज्य परिवहन महामंडळाच्या बसला भीषण अपघात झाला आहे. संभाजीनगरहून जालन्याच्या दिशेनं जाणाऱ्या बसने पाठीमागून एका कंटेनरला धडक दिली. या अपघातात सात प्रवाशी जखमी झाले आहेत. जखमी प्रवाशांना स्थानिक रुग्णालयात उपचारासाठी दाखल करण्यात आलं असून या अपघातात कोणतीही जीवितहानी झाली नाही. मात्र अपघातानंतर घटनास्थळी काही वेळासाठी वाहतूक सेवा ठप्प झाली होती.