अजित पवारांच्या हस्ते बारामती पॉवर मॅरेथॉनचा शुभारंभ, दादांनी बनवला 360 अँगल Video

देशामध्ये तालुका पातळीवर पहिल्यांदाच अशा मॅरेथॉनचं आयोजन करण्यात आलं आहे. यामुळे क्रिडा प्रेमी आनंदात आहेत. तालुका पातळीवर पहिल्यांदाच वर्ल्ड अ‍ॅथलेटिक असोसिएशनच्या वतीने आंतरराष्ट्रीय स्थरावरील मॅरेथॉनचं आयोजन करण्यात आलंय. या मॅरेथॉनमध्ये 42 किमी, 21 किमी, 10 किमी आणि 5 किमी फन रन या कॅटेगिरीमध्ये हजारो स्पर्धकांचा समावेश अृआहे. यासोबतच वयोगटानुसार 8 लाखांची बक्षिसं देखील यामध्ये आहेत.

उपमुख्यमंत्री अजित पवार यांना नुकताच डेंग्यू झाला होता. यामधून बरे झाल्यानंतर ते पहिल्यांदाच जाहीर कार्यक्रमासाठी बारामतीमध्ये आले होते. बारामती पॉवर मॅरेथॉनच्या कार्यक्रमाच्या उद्घाटनाच्या कार्यक्रमानंतर अजित पवार हे शहरातल्या परिसरामधील विकासकांचा आढावा घेणार आहोत. यासोबतच सहयोग सोसायटी मधील निवासस्थानी जनता दरबार देखील भरणार आहे.