Beed: तरुणाला फरपटत नेऊन अपहरण करणाऱ्या टोळीला जामीन, नातेवाईक आक्रमक; SP ऑफिसमध्ये राडा

बीड : बीड शहरातील चऱ्हाटा फाटा परिसरातून शुक्रवारी सायंकाळी साडेपाच वाजताच्या सुमारास 10 ते 12 जणांनी लाकडी दांड्याने बेदम मारहाण करत नागनाथ नन्नवरे या व्यक्तीचं अपहरण केलं होतं. यानंतर धाराशिव जिल्ह्यातील भुम तालुक्यात येणाऱ्या टोकवाडी परिसरात नेऊन डांबून ठेवलं. पोलिसांनी काल डांबून ठेवलेल्या ठिकाणी पोहचून 10 आरोपींसह दोन चारचाकी गाड्या ताब्यात घेतल्या होत्या. यानंतर त्यांना काल सायंकाळी न्यायालयासमोर हजर करण्यात आलं. यावेळी न्यायालयाने सर्व आरोपींना जामीन मंजूर केला. गंभीर प्रकरणातील आरोपींना अवघ्या काही तासात जामीन मंजूर झाल्याने आश्चर्य व्यक्त केलं जात आहे. तर बीड ग्रामीण पोलिसांमध्ये आरोपींच्या अटकेच्या प्रक्रियेसह इतर प्रक्रिया पुर्ण करण्यावरुन एकमेकांमध्ये बाचाबाची झाल्याची माहिती आहे. तर एका अधिकाऱ्याने एका कर्मचाऱ्याला शिवीगाळ देखील केल्याची माहिती आहे.