Beed : पुतण्यांसमोर काकांची माघार, दोन भावांमध्ये होणार लढत

जयदत्त क्षीरसागर यांनी २००९ आणि २०१४ च्या निवडणुकीत राष्ट्रवादीच्या तिकिटावर विजय मिळवला होता. पण २०१९ च्या निवडणुकीआधी त्यांनी राष्ट्रवादीला रामराम केला आणि शिवसेनेत प्रवेश केला.तेव्हा शिवसेनेनं त्यांना मंत्रीपदही दिलं. पण २०१९ च्या निवडणुकीत त्यांना पराभवाचा धक्का बसला. राष्ट्रवादीकडून निवडणूक लढणाऱ्या त्यांच्या पुतण्याने संदीप क्षीरसागर यांनी विजय मिळवला होता.

बीड शहरात गेल्या दोन ते तीन दशकांपासून क्षीरसागर कुटुंबियांची एकहाती सत्ता आहे. नगरपालिका, जिल्हा परिषद, आमदारकीची पदं घरातील व्यक्तींकडेच आहेत. दरम्यान, भावांमध्ये संघर्षामुळे क्षीरसागर कुटुंबात फूट पडल्यानंतर काका-पुतण्या आमने-सामने आले.