Santosh Deshmukh: 'माझे वडील गेले आता तुम्ही आमचा परिवार', संतोष देशमुखांच्या दोन्ही मुलं ढसाढसा रडली, लेकीचे शब्द ऐकून रेणापूर हळहळले

बीड: केज तालुक्याचे मस्सजोगचे सरपंच संतोष देशमुख हत्याप्रकरणावरुन राज्यातील वातावरण चांगलेच तापलं आहे. हत्येला 15 दिवसांपेक्षा जास्त दिवस उलटून गेले मात्र अद्याप या प्रकरणाचा मुख्य सूत्रधार अद्याप फरार आहे त्यामुळे सर्वच स्तरातून या घटनेचा निषेध केला जात आहे. आता या घटनेविरोधात लातूर जिल्ह्यातील रेणापुरात आक्रोश मोर्चाचे आयोजन करण्यात आलं होतेय. या मोर्चात संतोष देशमुख यांची दोन्ही मुलं सहभागी झाली होती.आमच्या वडिलांना न्याय द्या असे म्हणत संतोष देशमुखांच्या लेकीला हुंदका अनावर झाला. दोन्ही मुलांना रडताना पाहून उपस्थित सर्व जण हळहळले.