सरकारमधील मंत्र्यांकडे पक्षाच्या कामासाठी 'समन्वयक', भाजपचा नवा पायंडा, पहिलं नाव जाहीर

नागपूर : राज्यात महायुतीचे सरकार स्थापन झाले असून या सरकारमध्ये पक्षाच्या कार्यकर्त्यांचा सहभाग असणे आवश्यक असल्याचे सांगून त्याकरिता पक्षाकडून प्रत्येक मंत्री महोदयांकडे एक स्वीय सहाय्यक हा पक्षाच्या कामासाठी 'समन्वयक' म्हणून नियुक्त केला जाणार आहे. भाजप प्रदेशाध्यक्ष चंद्रशेखर बावनकुळे यांनी तसे आदेश काढलेले आहेत. तसेच महाराष्ट्र भाजपतर्फे सुधीर देऊळगावकर यांची मुख्य समन्वयक या पदावर नियुक्ती करण्यात आल्याचे पत्रही त्यांनी प्रसिद्ध केले आहे. भाजपच्या या निर्णयावर विरोधी पक्षाकडून टीका होण्याची शक्यता आहे.