Navi Mumbai BJP : '...नाहीतर तुझे कपडे काढून धिंड काढेल', भाजप पदाधिकाऱ्याची अल्पवयीन मुलीला धमकी, गुन्हा दाखल

पीडित मुलीचा वाढदिवस साजरा करण्यासाठी वाशी येथे मित्रमंडळी जमली असताना हा प्रकार घडला. आरोपी यश शेख सतत मुलीच्या मागे लागल्याने मुलीने त्याला नकार दिला. यामुळे चिडलेल्या यशने मुलीच्या मित्रांनाही धमकी देत तिला माझ्यासोबत राहण्यास सांगितले. ती जर माझ्यासोबत राहिली नाहीतर कपडे काढून धिंड काढेल अशी धमकी दिली होती.

घटनेनंतर पीडित मुलीने धक्कादायक धमक्या व वर्तनाबद्दल वाशी पोलिसांकडे तक्रार केली. त्यानुसार यश बॉबी शेखवर POCSO कायद्यानुसार गुन्हा नोंदवण्यात आला असून पोलीस त्याचा शोध घेत आहेत.

आरोपीचे वडील बॉबी शेख यांनीही पीडित मुलीच्या मित्रांच्या पालकांना फोन करून तक्रार मागे घेण्यासाठी धमकावल्याचे समोर आले. या प्रकरणी कोपरखैरणे पोलिसांनी त्यांच्यावर दमदाटीचा गुन्हा नोंदवला आहे.

भाजपच्या पदाधिकाऱ्यांच्या कुटुंबातील व्यक्तीवर POCSO सारख्या गंभीर गुन्ह्यात नोंद झाल्याने नवी मुंबईत राजकीय वर्तुळात खळबळ माजली आहे. पोलिसांकडून दोन्ही प्रकरणांची तपासणी सुरू असून लवकरच अधिक माहिती समोर येण्याची शक्यता आहे.