Temple: 31 डिसेंबरनिमित्त शेगावचे गजानन महाराज मंदिर 24 तास खुले; अक्कलकोटमध्ये गर्दी

भक्तांची गर्दी पाहता गजानन महाराज मंदिर आज 31 डिसेंबर रोजी 24 तास दर्शनासाठी खुलं ठेवण्यात येणार आहे. मोठ्या संख्येनं भाविकांना गजानन महाराज यांचे दर्शन घेता येणार आहे. शेगावचे गजानन महाराज मंदिर देशभरात प्रसिद्ध आहेत. महाराष्ट्रासह इतर राज्यांमधून भाविक शेगावात गजानन महाराजांच्या दर्शनासाठी येत असतात.

तसेच सोलापूरच्या अक्कलकोट येथे स्वामी समर्थांच्या मंदिरातही भाविकांची गर्दी दिसून येत आहे. वर्षाच्या शेवटच्या दिवशी भाविकांनी या वटवृक्ष मंदिरात गर्दी केली आहे. स्वामी समर्थांचे दर्शन घेण्यासाठी भाविकांची पहाटेपासूनच गर्दी होत आहे. अक्कलकोट येथे स्वामींच्या दर्शनासाठी राज्याच्या कानाकोपऱ्यातून भाविक दाखल झाले आहेत. नवीन वर्षाच्या स्वागताच्या तयारीसाठी अक्कलकोट मंदिर समितीकडून विशेष नियोजन करण्यात आले आहे.