Buldhana : ट्रॅक्टरमधून खाली पडले मायलेक, डोळ्यादेखत चाकाखाली चिरडला मुलगा तर आईचाही मृत्यू

नांदुराकडून माणेगाव झाडेगाव शिवारात राहणाऱ्या सोनी सुभाष चव्हाण असं आईचं नाव आहे तर ८ वर्षांचा त्यांचा मुलगा या दुर्घटनेत मृत्युमुखी पडला. पती आणि मुलासोबत त्या ट्रॅक्टरमधून प्रवास करत होत्या. इंदोरे इथं विटभट्टीजवळ अचानक मायलेक ट्रॅक्टरवरून खाली पडले. मुलगा ट्रॅक्टरच्या चाकाखाली आला आणि त्याचा जागीच अंत झाला.

ट्रॅक्टरवरून पडल्यानंतर मुलाचा जागीच मृत्यू झाला तर आई सोनी चव्हाण या गंभीर जखमी झाल्या होत्या. त्यांच्यावर रुग्णालयात उपचार सुरू होते. मात्र रुग्णालयात उपचारावेळी त्यांचा मृत्यू झाला. या घटनेने परिसरात हळहळ व्यक्त केली जात आहे. सुभाष चव्हाण हा मध्य प्रदेशातून नांदुरा इथं मोलमजुरी करण्यासाठी कुटुंबासह आला होता. या प्रकरणाची नोंद पोलिसात करण्यात आली असून अधिक तपास सुरू आहे.