काँग्रेसला शिंगावर घेऊन ज्यांना लोकसभेचे तिकीट दिले, तेच पक्ष सोडणार, शिंदेंचा ठाकरेंना दणका

मुंबई : आगामी स्थानिक स्वराज्य संस्थेच्या निवडणुकीच्या पार्श्वभूमीवर बेरजेच्या राजकारणाला वेग आलेला आहे. मात्र उद्धव ठाकरे यांच्या वाट्याला गेल्या काही महिन्यांपासून वजाबाकीच येत असल्याचे चित्र आहे. कारण सांगली लोकसभेच्या जागेसाठी, प्रसंगी महाविकास आघाडीला अस्तित्व धोक्यात ठेऊन आणि काँग्रेसला शिंगावर घेऊन उद्धव ठाकरे ज्यांच्यासाठी भांडले, तेच चंद्रहार पाटील ठाकरे यांची साथ सोडण्याच्या मनस्थितीत आहेत. सामाजिक न्यायमंत्री संजय शिरसाट यांनी तर चंद्रहार पाटील यांच्या शिंदे गटातल्या प्रवेशाची तारीखही जाहीर केली आहे.