112 वयोवृद्धांना मिळतो मायेचा आधार, इथं गेल्या 25 वर्षांपासून सुरू आहे अविरत सेवा, Video

छत्रपती संभाजीनगर : छत्रपती संभाजीनगर येथील कांचनवाडी परिसरात मातोश्री वृद्धाश्रम आहे. हे वृद्धाश्रम जवळपास गेल्या 25 वर्षांपासून सुरू असून जीवनाबाई तापडिया चॅरिटेबल ट्रस्ट या संस्थेमार्फत चालते. ही संस्था विना अनुदानित तत्त्वावर काम करते. त्यामुळे शासनाकडून कुठलीही मदत या ठिकाणी मिळत नाही. सध्याच्या घडीला मातोश्री वृद्धाश्रमात 62 महिला आणि 50 पुरुष असे एकूण 112 जण येथे राहतात. एकशे बारा वृद्धांपैकी 75 टक्के वृद्धांना येथे सर्व सेवा मोफत पुरवली जाते. तर उर्वरित 25 टक्क्यांमध्ये ज्या लोकांची परिस्थिती चांगली असेल तर नाममात्र शुल्क घेण्यात येते, असे मातोश्री वृद्धाश्रमाचे व्यवस्थापक सागर पागोरे यांनी लोकल 18 सोबत बोलताना सांगितले.