Accident : छत्रपती संभाजीनगरमध्ये भीषण अपघात, दोन जीवलग मित्रांचा जागीच मृत्यू

अविनाश कानडजे, छत्रपती संभाजीनगर :  कन्नड भराडी रोडवर असणाऱ्या बोरगाव जवळ दुचाकी आणि पिकअपचा भीषण अपघात झाला. या अपघातात दुचाकीवर असणाऱ्या 2 तरुणांचा जागीच मृत्यू झाल्याची घटना घडली. गणेश निकम आणि आशिष परमेश्वर या 2 जिवलग मित्रांचा या अपघातात दुर्दैवी मृत्यू झालाय. कन्नड कडून भराडी कडे जाणाऱ्या एका भरधाव वेगात असलेल्या पिकप चालकाने अचानक ब्रेक दाबला त्यावेळी पाठीमागून आलेली दुचाकी या पिकअपवर जोरात आदळली. दरम्यान या घडलेल्या घटनेमुळे दोघांच्याही कुटुंबीयांवर दुःखाचा डोंगर कोसळला असून हळहळ व्यक्त करण्यात येत आहे.