Railway Update: छत्रपती संभाजीनगर- मनमाड रेल्वे धावणार ताशी 130 वेगाने, दीड तासात स्टेशनवर पोहोचणार!

छत्रपती संभाजीनगर : छत्रपती संभाजीनगर ते मनमाड या 126 किलोमीटरच्या मार्गावर रेल्वेगाड्यांची गती ताशी 130 किलो मीटरपर्यंत वाढविण्यास मंजुरी मिळाली आहे. त्यानंतर रेल्वे प्रशासनाकडून रुळ बदलण्याच्या कामाला सुरुवात झाली. आता रेल्वे रुळाच्या बाजूने भिंत-कुंपण संरक्षक बांधण्याचे काम हाती घेतले जाणार आहे. ताशी 130 कि.मी. वेगाने रेल्वे धावण्यास सुरुवात झाल्यानंतर मनमाडला जायला कमी वेळ लागणार आहे, त्यामुळे पुढील प्रवाशांना देखील मुंबईला जाण्यासाठी आधीच्या वेळेच्या तुलनेत दीड तास लवकर पोहोचणे शक्य होणार आहे.