बाबासाहेबांचं संभाजीनगरशी खास नातं, या वस्तू आणि वास्तू आजही देतात इतिहासाची साक्ष

छत्रपती संभाजीनगर: भारतरत्न डॉ. बाबासाहेब आंबेडकर आणि छत्रपती संभाजी नगर शहराचं एक खास कनेक्शन आहे. मराठवाड्याची राजधानी मानलं जाणाऱ्या या शहरात बाबासाहेबांनी काही काळ वास्तव्य देखील केलं. या शहरातील अनेक वस्तू आणि वास्तू आजही बाबासाहेबांच्या इतिहासाची साक्ष देत आहेत. येत्या 6 डिसेंबरला महापरिनिर्वाण दिनानिमित्त बाबासाहेबांच्या कार्याचं स्मरण केलं जातं. याबाबतच छत्रपती संभाजीनगर येथील मिलिंद महाविद्यालयाचे प्राचार्य डॉ. शांतीलाल राठोड यांनी माहिती दिलीये.

डॉ. बाबासाहेब आंबेडकर आणि संभाजीनगर शहराचा अगदी जवळचा संबंध आहे. बाबासाहेबांनी या शहरात अनेक दिवस वास्तव्य देखील केलंय. ते जेव्हा शहरामध्ये यायचे तेव्हा नागसेन वन आणि छावणी परिसरामध्ये वास्तव्यास होते. याच वास्तव्यात असताना त्यांना मराठवाड्यातील शिक्षणाच्या मागसलेपणाची जाणीव झाली. त्यासाठी त्यांनी पिपल्स एज्युकेशन सोसायटीच्या माध्यमातून शहरात महाविद्यालय सुरू करण्याचा निर्णय घेतला.

दरम्यान, बाबासाहेब यांनी सुरू केलेल्या मिलिंद महाविद्यालयातून मराठवाड्यातील अनेक विद्यार्थी घडले आहेत. बाबासाहेबांचा शैक्षणिक वारसा हे महाविद्यालय पुढे चालवत असल्याचेही प्राचर्य डॉ. राठेड सांगतात.