Chess Competition: साडेचार वर्षाच्या चिमुकल्याची कमाल, एकाच वेळी 21 खेळाडूंसोबत खेळला बुद्धिबळ, Video

छत्रपती संभाजीनगर शहरात राहणारा वल्लभ अमोल कुलकर्णी या शाळेच्या चिमुकल्याने एकाच वेळी शहरातील 21 खेळाडूंसोबत बुद्धिबळ खेळलेला आहे. वल्लभचे वडील सांगतात की, जेव्हा तो अगदी लहान होता, अडीच वर्षांचा, तेव्हा तो जे अवघड अवघड पझल्स असतात.

तो एकदम लवकर सोडत होता आणि आम्हाला असं वाटलं की एवढ्या लहान वयामध्ये तो एवढ्या अवघड पझल्स कसे सोडतो. म्हणून आम्ही ठरवलं की त्याला सुद्धा आपण चेसमध्ये आणावे. म्हणजे आम्ही ठरवण्यापेक्षा त्याला स्वतःला चेस खेळण्याची खूप आवडत होती, कारण की वल्लभचा मोठा भाऊ हा देखील बुद्धिबळ खेळतो आणि त्याच्यापासूनच त्यालाही प्रेरणा मिळालेली आहे.

वल्लभने तब्बल 2 तास 21 खेळाडूंसोबत लढत दिली. यामधील 12 खेळाडूंसोबत विजय, 5 खेळाडूंसोबत बरोबरी, 4 पराजय असा अंतिम निकाल आला. अतिशय चांगल्या पद्धतीने हे सर्व गेम त्यांनी खेळलेले आहेत. अंडर सेवन वर्ल्ड चॅम्पियनशिपमध्ये वल्लभने भाग घ्यावा आणि त्यामध्ये ही चॅम्पियनशिप जिंकावी अशी आमची इच्छा आहे, असं वल्लभची आई म्हणाली आहे. त्यासाठी आम्ही सर्वतोपरी प्रयत्न करू आणि यामध्ये त्याला पुढे नेण्याचा आमचा प्रयत्न आहे, असं देखील त्याची आई म्हणाली आहे.