Eknath Shinde : महायुतीचा दणदणीत विजय, एकनाथ शिंदेंचं कार्यकर्त्यांना भावनिक पत्र

मुंबई : महाराष्ट्राच्या विधानसभा निवडणुकीत महायुतीला दणदणीत यश मिळालं आहे. 288 पैकी 230 जागांवर महायुतीचा विजय झाला आहे. या विजयानंतर मुख्यमंत्री एकनाथ शिंदे यांनी राज्याच्या जनतेला पत्र लिहिलं आहे. विधानसभा निवडणुकीत शिवसेना-भाजप-राष्ट्रवादी काँग्रेसच्या महायुतीला भरभरून मतदान केल्याबद्दल मुख्यमंत्री एकनाथ शिंदे यांनी मतदारांचे आभार मानले आहेत. महाराष्ट्रातील लाडक्या बहिणी, लाडके भाऊ, लाडका शेतकरी, युवा, ज्येष्ठ नागरिक यांनी शिवसेनेवर मतांच्या माध्यमातून जो स्नेहाचा वर्षाव केला, जो विश्वास दाखवला तो आम्ही कधीही विसरणार नाही. आपण आमच्यावर दाखवलेला विश्वास सार्थ ठरवण्यासाठी आम्ही सदैव प्रयत्नशील राहू. चला महाराष्ट्राच्या विकासासाठी पुन्हा एकदा सज्ज होऊया..पुनश्च एकदा आपल्या सर्वांचे आभार..! अशा शब्दात मुख्यमंत्री शिंदेंनी मतदारांचे आभार मानलेत.