Buldana: हॉटेलमध्ये प्रेमी युगुलांचा निर्घृणपणे खून, आणखी एक मृतदेह आढळला, बुलडाणा हादरलं

पोलिलांनी दिलेल्या माहितीनुसार,  बुलढाण्यातील खामगाव शहरात रात्रीच्या सुमारास ही घटना घडली. खामगाव शहरातील जुगनू हॉटेलमध्ये दोघांचा खून झाला आहे. एक तरुणी आणि तरुणाचा अज्ञात मारेकऱ्याने खून केला आहे. घटनास्थळावर आणखी एक मृतदेह आढळून आला आहे. त्यामुळे तीन जणांचा खून झाल्याची प्राथमिक माहिती समोर आली आहे.

हॉटेलमध्ये घटना घडल्यानंतर तातडीने खामगाव ग्रामीण पोलिसांना याची माहिती देण्यात आली. माहिती मिळताच उपविभागीय पोलीस अधिकारी प्रदीप पाटील यांच्यासह पोलिसांचा फौज फाटा घटनास्थळी दाखल झाला. घटनास्थळाचा पंचनामा करण्यात आला आहे. मृतदेह शवविच्छेदनासाठी शासकीय रुग्णालयात पाठवण्यात आले आहे. हॉटेलमध्ये प्रेमी युगुलांची हत्या का आणि कुणी केली, याबद्दल अद्याप माहिती समोर आली नाही. तसंच मृत व्यक्तींची ओळख अद्याप पटलेली नाही. पोलीस या प्रकरणाचा तपास करत आहे. मात्र, शहरातील एका हॉटेलमध्ये तरुण आणि तरुणीचा खून झाल्यामुळे शहरात खळबळ उडाली आहे.

(सविस्तर बातमी लवकरच)