डेडबॉडीवर ना खुणा, ना घटनास्थळी कोणते निशाण, गणेशसोबत काय घडलं? छ.संभाजीनगरमध्ये हत्येचं गुढ वाढलं

छत्रपती संभाजीनगर: छत्रपती संभाजीनगरमध्ये दिवसेंदिवस गुन्हेगारीच्या घटनांमध्ये वाढ होताना दिसत आहे. अशातच गंगापूर तालुक्यामध्ये एका तरुणाचा संशयास्पद मृतदेह आढळून आल्यामुळे खळबळ उडाली आहे. या तरुणाच्या मृतदेहावर कोणत्याही मारण्याच्या खुणा नाही आणि शस्त्राचे वारही नाही, त्यामुळे पोलिसांसमोर मारेकरी शोधण्याचं आव्हानं उभं ठाकलं आहे.

पोलिसांनी या मृतदेहाची ओळख पटवली आहे.  मृत युवकाची ओळख गणेश रघुनाथ टेमकर (वय ३०, रा. भालगाव) अशी आहे. प्राथमिक तपासात मृतदेहाजवळ कोणतेही संघर्षाचे ठसे नाही. तसंच कोणत्या वाहनाने धडक दिली असावी असाही अंदाज बांधला. पण कोणत्याही वाहन अपघाताचे स्पष्ट चिन्हं घटनास्थळी आढळली नाहीत. तसंच, मृतदेहावर कोणत्याही शस्त्राने वार केल्याच्या खुणाही नाही. त्यामुळे घातपात की अपघात याचं नेमकं कारण अद्याप समोर आलेलं नाही.