Delhi Police: दिल्ली पोलीस दलात कॉन्स्टेबल पदांसाठी बंपर भरती, पात्रता काय ? जाणून घ्या संपूर्ण माहिती

दरम्यान, अर्जदारांना जर त्यांच्या अर्जामध्ये काही सुधारणा करायची असेल, त्यासाठीही मुदत देण्यात आली आहे. 29 ते 31 ऑक्टोबर 2025 या काळामध्ये, अर्जदार फॉर्ममध्ये सुधारणा करू शकता. शिवाय परीक्षेची संभाव्य तारीखही देण्यात आली आहे. डिसेंबर 2025 किंवा जानेवारी 2026 मध्ये दिल्ली पोलिस कॉन्स्टेबलसाठी परीक्षा होण्याची शक्यता आहे. जाहिरातीमध्ये परीक्षेची तारीख नमूद करण्यात आली. ऑनलाईन अर्ज भरण्यापूर्वी अर्जदारांनी शैक्षणिक पात्रता, वयोमर्यादा आणि अर्ज शुल्कासह इतर सर्व माहिती जाहिरात PDF च्या माध्यमातून जाणून घ्यायची आहे.

भरतीमध्ये सहभागी होण्यासाठी, अर्जदार मान्यताप्राप्त बोर्ड किंवा संस्थेतून 10वी आणि 12वी उत्तीर्ण असणे आवश्यक आहे. पुरुष उमेदवारांकडे PE & MT च्या वेळेपर्यंत ड्रायव्हिंग लायसन्स (कार किंवा मोटरसायकल) असणे आवश्यक आहे. उमेदवाराचे वय कमीत कमी 18 वर्षे आणि जास्तीत जास्त 25 वर्षे असणे आवश्यक आहे, म्हणजेच अर्जदाराचा जन्म 2 जुलै 2000 च्या पूर्वी किंवा 1 जुलै 2007 नंतर झालेला नसावा. दरम्यान, राखीव प्रवर्गातील उमेदवारांना नियमांनुसार वयात सूट दिली जाईल. वयाची गणना 1 जुलैपासून केली जाईल.

अनुसूचित जाती आणि जमातीतील उमेदवारांना 5 वर्षांची सूट आणि इतर मागासवर्गातील उमेदवारांना 3 वर्षांची सूट दिली जाणार आहे. कॉन्स्टेबल (एक्झिक्युटिव्ह) पुरुष पदासाठी 4408 जागा, कॉन्स्टेबल (एक्झिक्युटिव)-पुरुष (ExSM (Others) पदांसाठी 285 जागा, कॉन्स्टेबल (एक्झिक्युटिव)-पुरुष (ExSM Commando) पदांसाठी 376 जागा आणि कॉन्स्टेबल (एक्झिक्युटिव्ह) महिला पदांसाठी 2496 जागांसाठी भरती केली जाणार आहे. ही भरती प्रक्रिया संपूर्ण भारतात केली जात आहे.