कांद्यानंतर कोसळले पपईचे भाव, हतबल शेतकऱ्यानं बागेवर फिरवला रोटावेटर, Video

धाराशिव, 20 डिसेंबर: शेती हा बेभरवशाचा व्यवसाय आहे. बऱ्याचदा शेकऱ्याचा माल बाजारात आला की दर कोसळतात आणि घातलेला खर्चही निघत नाही. त्यामुळे शेतकऱ्याला आर्थिक संकटांना सामोरं जावं लागतं. अशीच काहीशी घटना धाराशिव जिल्ह्यातील भूम तालुक्यात घडलीय. वारे वडगाव येथील शेतकरी देवेंद्र डिसले यांनी सव्वा एकर पपईच्या बागेवर रोटावेटर फिरवलाय. लाखो रुपये खर्चून बाग जोपासली पण ऐन भरात असताना पपईचे बाजारभाव कोसळले आणि यात डिसले यांचे मोठे नुकसान झाले आहे. तर कांद्यापाठोपाठ पपईनेही झटका दिल्याने शेतकरी संकटात आहे.