Manoj Jarange Patil: सारखं हॉस्पिटलमध्ये का व्हावं लागतं दाखल? जरांगेंनी सांगितलं कारण, मराठा बांधव झाले भावुक

मुंबई मोर्चाच्या संदर्भात मनोज जरांगे पाटील नांदेड दौऱ्यावर आहे. सकाळपासून मराठा बाधवांच्या बैठका त्यांनी घेतल्या. बैठक सुरू असताना अचानक त्यांना चक्कर आली. तातडीने डॉक्टाराना पाचारण करण्यात आलं. डॉक्टर तपासणी करून त्यांना विश्रांतीचा सल्ला दिला. त्यानंतर जरांगे यांनी मराठा बांधवांशी संवाद साधला.

'सकाळपासून नांदेडमध्ये बैठका सुरू होत्या. अचानक घाम आला आणि चक्कर आली. सततचे उपोषण आणि उपाशी राहिल्याने अशक्तपणा आला. शरीर झिझलं. शरीरात खूप अशक्तपणा आहे. ह्या उपोषणाच्या वेदना आहेत पण मी हटत नाही. मी समाजाला माझं दुःख सांगत नाही. मला समाजाची पोर बाळ मोठी करायची आहेत. शेवटच्या श्वासापर्यंत लढणार. काहीही झालं तर शेवटची 29 ची लढाई मी लढणार आहे आणि जिंकून मराठ्यांना आरक्षण मिळवून देणार आहे. डॉक्टरांनी सलाईन लावण्याचा प्रयत्न केला पण सलाईन लागली नाही. सुया टोचून टोचून शरीर जरजर झालं.मला उभ राहता येत नाही, असं मनोज जरांगे यांनी सांगितलं.

'सरकारला माझ्या सगळ्या मागण्या माहीत आहेत. त्यांना जाणून बुजून मराठ्यांना आरक्षण द्यायचं नाही. मराठा समाजाच कसं वाठोड होईल, मराठा समाज कसा संपेल याचा विडा देवेंद फडणवीस यांनी उचलला आहे, मी पण खमक्या आहे, कच्चा नाही. 29 ला मी आणि समाज जाणार मुंबईला. मग बघू सरकारमध्ये किती दम आहे. 29 ऑगस्टलाच आरक्षण मिळवून देणारं. समाजाला आवाहन आहे. माझं दुखत असताना मी ठाम आहे. मोठया संख्येने या ही लढाई शेवटची आहे. एकाही मराठ्याने घरी थांबायचं नाही, असं आवाहनही जरांगेंनी केलं.