Maharashtra Politics: एकाच दिवसामध्ये ठाकरेंना 2 मोठे धक्के, ठाण्यानंतर अमरावतीतही बसला हादरा!

गजानन पाटील वाकोडे यांनी तडकाफडकी राजीनामा देत आज मुख्यमंत्री एकनाथ शिंदेंच्या उपस्थितीत शिंदेंच्या शिवसेनेत प्रवेश केला. उद्धव बाळासाहेब ठाकरे गटाचे सहसंपर्क गजानन पाटील बाळासाहेबांचे निष्ठावान शिवसैनिक होते. गजानन पाटील वाकोडे यांनी अचानक राजीनामा दिल्याने ठाकरे गटाला मोठा धक्का बसला आहे. मुख्यमंत्री एकनाथ शिंदे यांच्या नेतृत्वावर विश्वास ठेऊन त्यांनी मुंबई येथील वर्षा निवासस्थानी जात शिवसेनेत प्रवेश केला असून त्यांच्या सोबत सोबत शिवसेना नेते माजी मंत्री आनंदराव अडसूळ आणि शिवसेना राष्ट्रीय सचिव कॅप्टन अभिजीत अडसूळ उपस्थित होते.

दुसरीकडे उद्धव ठाकरेंनी भाजपाला मोठा धक्का दिला आहे.  ऐन विधानसभा निवडणुकीच्या तोंडावर उद्धव ठाकरे यांनी भाजपला मोठा धक्का दिला आहे. गोंदियाचे माजी आमदार आणि भाजपचे नेते रमेश कुथे हे आज शिवसेना ठाकरे गटात प्रवेश करणार आहेत. 2018 साली रमेश कुथे यांनी शिवसेना सोडली होती, त्यानंतर त्यांनी भाजपमध्ये प्रवेश केला. ते आता पुन्हा एकदा शिवसेना ठाकरे गटात प्रवेश करणार आहेत. हा भाजपसाठी गोंदियात मोठा धक्का मानला जात आहे.