Gauri Ganapati Shopping: गौरीच्या सजावटीसाठी साहित्य शोधताय? गिरगावात फक्त 40 रुपयांपासून पर्याय उपलब्ध

मुंबई : दरवर्षी भाद्रपद महिन्यातील शुक्ल चतुर्थीपासून देशभरात गणेशोत्सवाला सुरुवात होते. यावर्षी 27 ऑगस्ट रोजी गणेश चतुर्थी आहे. गणपतीच्या आगमनानंतर चार दिवसांनी गौरींचे आगमन होणार आहे. त्यामुळे सध्या सर्वत्र गौरी-गणपतीसाठी जोरदार तयारी सुरू आहे. गिरगावामध्ये देखील भक्तांमध्ये लगबग सुरू आहे. यासाठी गौरीचे मुखवटे, फायबरची बॉडी, हात-पाय, दागिने, कपडे ते गौरीचं बाळ, या साहित्यांनी बाजारपेठ फुलून गेली आहे. गिरगाव येथील 'सम्राट ड्रेसवाला' या जुन्या व प्रसिद्ध दुकानात गौरीचं साहित्य अतिशय स्वस्त दरात उपलब्ध आहे.