Gondia Crime News : गोंदियात मोठा शस्त्रसाठा जप्त; पोलिसांनी कोम्बिंग ऑपरेशन राबवलं अन्...

गोंदिया, रवी सपाटे, प्रतिनिधी : गोंदियामधून मोठी बातमी समोर येत आहे. पोलिसांनी शहरातून मोठा शस्त्रसाठा जप्त केला आहे. रेकॉर्डवरील गुन्हेगारांकडून हा शस्त्रसाठा जप्त करण्यात आला आहे. देशी कट्टा, चार तलवारी आणि एका गुप्तीचा या शस्त्रांमध्ये समावेश आहे. लोकसभा निवडणूक आणि होळीच्या पार्श्वभूमीवर पोलिसांनी ही कारवाई केली आहे. शहरातील गौतमनगर, कुंभारेनगर आणि छोटा गोंदिया परिसरात राबवण्यात आलेल्या कोम्बिंग ऑपरेशनदरम्यान हा शस्त्रसाठा जप्त करण्यात आला आहे.