एकाच गावात दोन मतदारसंघ, आपला मतदार कोण? प्रचारावेळी उमेदवारांची पंचाईत

छत्रपती संभाजीनगर : विधानसभा निवडणुकीच्या प्रचाराला वेग आला असून उमेदवारांकडून वाड्या-वस्त्यांवर मतदारांच्या गाठीभेटी घेतल्या जात आहेत. छत्रपती संभाजीनगरमध्ये सोयगाव तालुक्यात एक गाव असं आहे जिथंल्या लोकांचं मतदान दोन विधानसभा मतदारसंघात आहे. यामुळे उमेदवार प्रचारासाठी गावात आल्यावर आपला मतदार कोण यामुळे संभ्रमात पडत आहेत. सोयगाव तालुक्यात निमखेडी विहिरे तिखी ग्रुप ग्रामपंचायत आहे. हे गाव सिल्लोड सोयगाव आणि कन्नड सोयगाव अशा दोन विधानसभा मतदारसंघात विभागलं आहे.