मुनगंटीवार, दानवे, नितेश राणेंना धक्का, राजेश टोपे-रोहित पाटलांनाही दणका, होमग्राऊंडवर कुणाकुणाचा पराभव?

मुंबई: राज्यातील नगर परिषद आणि नगर पंचायतींचे निकाल स्पष्ट झाले असून सर्वपक्षीय प्रस्थापित नेत्यांना अनेक ठिकाणी दणके बसले आहेत. गृह जिल्ह्यात अनेक नेत्यांची प्रतिष्ठा पणाला लागली होती. परंतु जनतेने प्रस्थापितांना नाकारून नव्यांच्या हाती सत्तेच्या चाव्या दिल्या आहेत. भाजप, शिवसेना, राष्ट्रवादी, काँग्रेस अशा सगळ्याच पक्षातील बहुतांश दिग्गज नेत्यांना आपापल्या जिल्ह्यात पराभवाचा फटका बसला आहे.