निकालाच्या धामधुमीत धक्कादायक बातमी, गळ्यातून आरपार गेली गोळी; कारमध्ये आढळला काँग्रेस नेत्याच्या पुतण्याचा मृतदेह

मस्तगड भागातील भवानीनगर येथे राहणारे सागर धानोरे हे शनिवार रात्रीपासून बेपत्ता होते. त्यांचे कुटुंबीय आणि मित्र त्यांचा शोध घेत होते. रविवारी पहाटे अंबड ते मंठा चौफुली दरम्यान असलेल्या रस्त्यावर एक कार बराच वेळ संशयास्पद स्थितीत उभी असल्याची माहिती पोलिसांना मिळाली. कदीम जालना पोलिसांनी घटनास्थळी पोहोचून कारची तपासणी केली असता, ड्रायव्हिंग सीटवर सागर यांचा मृतदेह आढळून आला. त्यांनी उजव्या बाजूने स्वतःच्या गळ्यावर गोळी झाडली होती, जी गोळी आरपार गेल्याचे प्राथमिक तपासात निष्पन्न झाले आहे.