नवीन घरात अचानक कपडे जळाले, हळद-कुंकू पडली, अघोरी कांड बघून कुटुंब हादरलं, नेमकं काय घडलं?

कळमनुरी तालुक्यातील दाभडी येथील रहिवासी असलेले नवनाथ दिगंबर बोंढारे (वय २६) यांच्या गावातील राहत्या घरी आणि चुलत भावाच्या नवीन बांधकाम केलेल्या घरात २१ मे रोजी रात्री साडेनऊ वाजता ते २३ मे रोजी दुपारी दोन वाजेच्या सुमारास कोणी तरी अज्ञात व्यक्तीने भानामती करण्याच्या उद्देशाने पूजा मांडली. पूजेमध्ये हळद-कुंकू, अक्षता, बिबे, कागदी चिठ्ठयांची मांडणी ठेवून काही चिठ्ठयाही टाकल्या होत्या. पूजा मांडली त्या ठिकाणी नवीन दुचाकी ठेवली होती. त्या गाडीची सीट पेटवून दिली, तसेच भावाच्या पत्नीचे कपडेही पेटवून दिले.