Maharashtra politics : मोठी बातमी! शिंदेंचा ठाकरे गटाला मोठा धक्का; निष्ठावंत शिलेदारानं सोडली उद्धव ठाकरेंची साथ

हिंगोली, मनीष खरात, प्रतिनिधी : राजकीय वर्तुळातून मोठी बातमी समोर येत आहे. मुख्यमंत्री एकनाथ शिंदे यांनी शिवसेना ठाकरे गटाचे प्रमुख उद्धव ठाकरेंना आणखी एक मोठा धक्का दिला आहे. शिवसेना ठाकरे गटाचे माजी मंत्री जयप्रकाश मुंदडा यांनी मुख्यमंत्री एकनाथ शिंदे यांच्या उपस्थितीमध्ये शिवसेनेत प्रवेश केला आहे. शिवसेना ठाकरे गटाकडून हिंगोलीमधून लोकसभेची निवडणूक लढवण्यासाठी ते इच्छूक होते. मात्र तिकीट न मिळाल्यानं ते पक्षावर नाराज होते. अखेर त्यांनी ठाकरे गटाची साथ सोडत शिवसेनेत प्रवेश केला आहे. जयप्रकाश मुंदडा यांच्या शिवसेना प्रवेशामुळे जिल्ह्यात ठाकरे गटाला मोठा धक्का बसला आहे.