हृदयद्रावक! क्षणभराचा राग दोघांचा जीव घेऊन गेला, नाकातोंडात पाणी जाऊन दाम्पत्याचा करुण अंत

हिंगोली : हिंगोली शहरालगत असणाऱ्या अंधारवाडीत एक दाम्पत्याचा दुर्दैवी अंत झाला आहे. क्षणभराच्या रागामुळे दोघांचा जीव गेला आहे. तर पती-पत्नीच्या वादामुळे एक वर्षांची चिमुकली अनाथ झाली आहे. किरकोळ कारणातून पतीसोबत झालेल्या वादातून पत्नीने रागाच्या भरात घराजवळ असणाऱ्या विहिरीत उडी घेतली. यानंतर पतीने पत्नीला वाचवण्यासाठी स्वत:ही विहिरीत उडी घेतली. पण दोघांचाही करुण अंत झाला आहे. या दाम्पत्याला एक वर्षांची मुलगी आहे. बुधवारी सकाळी ही घटना उघडकीस आल्यानंतर परिसरात हळहळ व्यक्त केलं जात आहे.