Hingoli News : माजी सरपंचावर तहसील कार्यालयासमोरच कोयत्यानं सपासप वार; घटनेनं हिंगोलीत खळबळ

हिंगोली, मनीष खरात, प्रतिनिधी : जिल्ह्यातून एक धक्कादायक घटना समोर आली आहे. माजी सरपंचावर धारदार कोयत्यानं हल्ला करण्यात आला आहे. या घटनेनं खळबळ उडाली आहे.  विजय नरवाडे असं या माजी सरपंचांचं नाव आहे. जमिनीच्या जुन्या वादातून हा हल्ला झाल्याची माहिती समोर येत आहे. या हल्ल्यात नरवाडे हे गंभीर जखमी झाले असून, त्यांच्यावर रुग्णालयात उपचार सुरू आहेत. दरम्यान घटनेची माहिती मिळताच पोलीस तातडीनं घटनास्थळी दाखल झाले. या प्रकरणात दोन हल्लेखोरांना पोलिसांनी ताब्यात घेतलं आहे, तर आणखी एक हल्लेखोराचा शोध सुरू आहे. घटनेबाबत अधिक तपास सुरू असल्याची माहिती पोलिसांकडून देण्यात आली आहे.