WhatsApp वर 'पीएम किसान अ‍ॅप'ची लिंक आली अन् शेतकऱ्यांचे लाखो रुपये गायब

हिंगोली, (मनीष खरात, प्रतिनिधी) : शेतकऱ्यांना सावध करणारी बातमी हिंगोलीतून समोर आली आहे. पीएम किसान अ‍ॅपच्या लिंकवर क्लिक करताच शेतकऱ्यांचं बँक खातं रिकामं झालं आहे. वसमत तालुक्यातील गिरगाव येथील शेतकऱ्यांची हॅकर्सनी ऑनलाईन लूट केली आहे. सध्या व्हॉट्सअप या सोशल मीडिया प्लॅटफॉर्मवर पीएम किसान अ‍ॅप या अ‍ॅपची लिंक व्हायरल होत आहे. अनेक शेतकरी या लिंकला क्लिक करतात. क्लिक केल्यानंतर तात्काळ बँकांचे ओटीपी यायला सुरुवात होते. आणि काही कळण्याच्या आत बँक खात्यांमधून सर्व रक्कम परस्पर काढल्या जात आहे. गिरगाव मधील जवळपास 7 शेतकऱ्यांना या लिंकवर क्लिक करणे चांगलेच महागात पडलं आहे.