Manoj Jarange Patil : 'ओबीसीच नाही तर 'त्या' समाजाच्या नेत्यांनाही पाडा'; मनोज जरांगे पाटलांचं मोठं वक्तव्य

छत्रपती संभाजीनगर, सिद्धार्थ गोदाम, प्रतिनिधी : मराठा आरक्षण आंदोलक मनोज जरांगे पाटील हे मराठवाडा दौऱ्यावर आहेत. आज त्यांची हिंगोलीमध्ये पत्रकार परिषद पार पडली. या पत्रकार परिषदेमध्ये त्यांनी विविध विषयांवर प्रतिक्रिया दिली आहे. राष्ट्रवादीचे नेते छगन भुजबळ यांनाच विरोध का? असा प्रश्नही त्यांना यावेळी विचारण्यात आला. या प्रश्नाला उत्तर देताना ते म्हणाले की ' छगन भुजबळ यांनी ओबीसी मराठा वाद लावला. धनगर मराठा वाद लावला. आम्ही ओबीसीमध्ये गेल्याने धनगर समाजाला धक्का लागत नाही. धनगर समाजाचे नेते आमचे शत्रू नाहीत. म्हणून मी त्यांना शत्रू समजत नाही. आमचा शत्रू फक्त एकच ते म्हणजे छगन भुजबळ' असं जरांगे पाटील यांनी म्हटलं आहे.