Indurikar Maharaj: आजकालच्या मुली..., इंदुरीकर महाराज पुन्हा तुफान बोलले; दिलं ओपन चॅलेंज, AUDIO व्हायरल

अकोला : प्रसिद्ध कीर्तनकार इंदुरीकर महाराज या ना त्या विधनामुळे कायम चर्चेत असतात. इंदुरीकर महाराज नेहमी कीर्तनामुळे केलेल्या वक्तव्यामुळे वादात अडकले आहे. महिलांबद्दल केलेल्या वक्तव्यामुळे इंदुरीकर महाराजांना कोर्टाची पायरी चढावी लागली होती. एवढंच नाहीतर मुलीच्या साखरपुड्याला केलेल्या खर्चावरूनही इंदुरीकर महाराज अडचणीत सापडले होते. अशातच  नव्या विधानामुळे इंदुरीकर महाराज चर्चेत आले आहे. "आजकाल मुली दरिद्री मुलाच्याच प्रेमात पडतात, अशाच मुलासोबत पळून जातात, पळून गेलेल्या मुली जर सुखी झाल्या असेल तर दाखवा, मी तिच्या घरी धुणीभांडी घासेन, असं चॅलेंजचं महाराजांनी दिलं.