भारतीय पोस्ट बँकेत भरती, ग्रॅज्युएट तरूणांना संधी; अर्जाची लिंक बातमीमध्ये

ग्रॅज्युएट असणारे तरूण सरकारी नोकरीची तयारी करणाऱ्या उमेदवारांसाठी एक चांगली बातमी आहे. इंडिया पोस्ट पेमेंट्स बँकेने (IPPB) एक्झिक्युटिव्ह पदांच्या भरतीसाठी जाहिरात प्रसिद्ध केली आहे. या पदांसाठी 9 ऑक्टोबरपासून ऑनलाईन पद्धतीने अर्ज प्रक्रिया सुरू झाली आहे. इच्छुक उमेदवारांनी 29 ऑक्टोबरपर्यंत आयपीपीबीच्या अधिकृत वेबसाइटला ippbonline.com भेट देऊन ऑनलाइन पद्धतीने अर्ज भरू शकतात. इच्छुक उमेदवारांनी अर्ज करण्यापूर्वी व्यवस्थित जाहिरातीची PDF एकदा वाचावी. PDF ची लिंक बातमीमध्ये देण्यात आली आहे. त्यानंतरच ऑनलाईन पद्धतीने अर्ज भरायचा आहे. त्याचीही लिंक बातमीमध्ये देण्यात आली.

एक्झिक्युटिव्ह पदासाठी संपूर्ण देशामध्ये 348 जागांसाठी ही नोकरभरती केली जात आहे. उमेदवार या पदासाठी अंतिम तारखेपर्यंत किंवा त्यापूर्वी अर्ज करू शकतात. ही भरती इंडिया पोस्ट विभागामार्फत जात आहे. एक्झिक्युटिव्ह पदासाठी अर्ज करणाऱ्या उमेदवाराकडे कोणत्याही मान्यता प्राप्त विद्यापीठातून कोणत्याही शाखेतील पदवी असणे आवश्यक आहे. मुक्त विद्यापीठातून पदवी पूर्ण केलेले उमेदवारही अर्ज करू शकतात. अर्जदाराचे वय 20 ते 35 वर्ष दरम्यान असावे. वयाची गणना 1 ऑगस्ट 2025 पासून केली जाईल. जातनिहाय वयामध्ये सूट देण्यात आलेली नाही. त्यामुळे उमेदवारांनी आपल्या वयाची व्यवस्थित गणना करूनच अर्ज भरावा.

शैक्षणिक पात्रतेच्या आधारे तयार केलेल्या गुणवत्तेच्या आधारे अर्जदारांची निवड केली जाईल. जारी केलेल्या अधिसूचनेसाठी आवश्यक असल्यास, CBT परीक्षा घेतली जाऊ शकते. आयपीपीबी जीडीएस एक्झिक्युटिव्ह पदासाठीचा मासिक पगार 30,000 रुपये इतका आहे. निवड झालेल्या उमेदवारांची नियुक्ती वेगवेगळ्या राज्यात केली जाईल. अधिक माहितीसाठी, आपण जारी केलेली भरती अधिसूचना तपासू शकता.