Municipal Election : 3 वाजले आणि गेम पलटला, जळगावमध्ये महायुती बहुमतापासून फक्त 'इतक्या' जागा दूर, कार्यकर्त्यांचा जल्लोष

Published by:Prashant Gomane

Last Updated:Jan 02, 2026 4:57 PM IST

एकनाथ शिंदे यांच्या शिवसेनेचे आणखीण दोन उमेदवार बिनविरोध निवडून आले आहेत.प्रभाग क्रमांक 9 ब मधून विक्रम सोनवणे तर प्रभाग क्रमांक 9 अ मधून रेखा पाटील यांची बिनविरोध निवड झाली आहे. यासोबत प्रभाग क्रमांक 13 मधून भाजपच्या वैशाली अमित पाटील यांची बिनविरोध निवड झाली आहे. त्यामुळे महायुतीच्या बिनविरोध उमेदवारांचा आकडा आता 11 वर पोहोचला आहे.

Jalgaun Municipal Elecion 2026 : विजय वाघमारे, प्रतिनिधी, जळगाव : जळगाव महापालिका निवडणुकीत अर्ज माघारी घेण्याच्या शेवटच्या दिवशी अनेक घडामोडी घडल्या आहेत. खरं तर अर्ज माघारी घेण्याच्या शेवटच्या दिवशी अनेक उमेदवारांनी माघार घेतल्याने आज पुन्हा एकनाथ शिंदे यांच्या शिवसेनेचे आणखीण दोन उमेदवार बिनविरोध निवडून आले आहेत.प्रभाग क्रमांक 9 ब मधून विक्रम सोनवणे तर प्रभाग क्रमांक 9 अ मधून रेखा पाटील यांची बिनविरोध निवड झाली आहे. यासोबत प्रभाग क्रमांक 13 मधून भाजपच्या वैशाली अमित पाटील यांची बिनविरोध निवड झाली आहे. त्यामुळे महायुतीच्या बिनविरोध उमेदवारांचा आकडा आता 12 वर पोहोचला आहे. त्यामुळे निवडणुकीआधीच जळगाव महापालिकेत महायुतीने गेम पालटला आहे. आता

जळगाव महापालिकेच्या निवडणुकीत शिवसेना (शिंदे गट) ला आणखी दोन बिनविरोध जागा मिळाल्या आहेत. प्रभाग क्रमांक 9 ब मधून विक्रम सोनवणे तर प्रभाग क्रमांक 9 अ मधून रेखा पाटील यांची बिनविरोध निवड झाली आहे. शरद पवार यांच्या राष्ट्रवादीच्या उमेदवाराने आणि एका अपक्ष उमेदवाराने माघार घेतल्यामुळे एकनाथ शिंदे यांच्या शिवसेनेचे हे दोन उमेदवार बिनविरोध ठरले आहे.त्यामुळे आतापर्यंत एकनाथ शिंदे यांच्या एकूण सहा जागा बिनविरोध निवडून आल्या आहेत.या यशानंतर शिवसेनेच्या कार्यकर्त्यांनी महापालिकेच्या बाहेर जोरदार जल्लोष साजरा केला.

एकनाथ शिंदेंसोबत आज जळगाव महापालिका निवडणुकीत भाजपाला आणखी एक बिनविरोध जागा मिळाली आहे. प्रभाग क्रमांक 13 मधून वैशाली अमित पाटील यांची बिनविरोध निवड झाली आहे. त्यामुळे भाजपाचे आतापर्यंत एकूण सहा उमेदवार बिनविरोध निवडून आले आहेत. या यशानंतर महापालिकेच्या बाहेर भाजप कार्यकर्त्यांनी गुलालाची उधळण करत जोरदार जल्लोष साजरा केला आहे.

दरम्यान वेळ संपल्यामुळे काही उमेदवारांना माघार घेता आली नाही, मात्र उद्या साधारण वीस उमेदवार महायुतीला समर्थन देतील, अशी माहिती भाजपाचे निवडणूक प्रभारी आमदार मंगेश चव्हाण यांनी दिली. जळगावकरांनी महायुतीला स्पष्ट कौल दिला असून 75 पैकी किमान 70 जागांवर महायुतीचा भगवा फडकेल, असा विश्वासही आमदार मंगेश चव्हाण यांनी व्यक्त केला आहे.

दरम्यान आता जळगाव महापालिकेत आता 19 वॉर्डमधून 75 जागांवर निवडणूक पार पडते आहे.या निवडणुकीत भाजप 46 तर एकनाथ शिंदे यांची शिवसेना 25 तर अजित पवार यांची राष्ट्रवादी चार जागा लढते आहे. तर या निवडणुकीत बहुमताचा आकडा 38 आहे. सध्या निवडणुकीआधीच महायुतीने 12 जागा निवडुन आणल्या आहेत.त्यामुळे आता महायुतीला बहुमतासाठी फक्त 26 जागा जिंकायच्या आहेत.या जागा महायुती सहज जिंकेल असा अंदाज आहे.