Jalgaon News : मतदानाच्या दिवशी जळगावमध्ये राडा, गर्दी पाहून आत शिरले अन्...एकनाथ शिंदेंच्या कार्यकर्त्यासोबत भयंकर घटना

Jalgaon News : विजय वाघमारे,जळगाव : जळगावसह राज्यातील 29 महानगरपालिकांसाठी राज्यभरात मतदान पार पडतंय. या मतदानाला सकाळपासून उत्स्फुर्त प्रतिसाद मिळतो आहे. दरम्यान एकीकडे मतदान पार पडत असताना काही ठिकाणी हाणामारी किंवा कार्यकर्ते आमने सामने आल्याच्या घटना घडल्या आहेत. तर तिकडे जळगावमध्ये अपक्ष उमेदवाराकडून शिवसेना शिंदे गटाच्या कार्यकर्त्याला मारहाण झाल्याची घटना घडली आहे. या मारहाणीत शिवसेना शिंदे गटाच्या कार्यकर्ता गंभीररीत्या जखमी झाला असून त्याला उपचाराखातर रुग्णालयात दाखल करण्यात आलं आहे. तसेच या घटनेने परिसरात खळबळ माजली आहे.