Accident News : जळगावात कंटेनरची बोलेरोला भीषण धडक, तीन तरुणांचा जागीच मृत्यू

याबाबत मिळालेली माहिती अशी की, जामनेर-टाकळी रस्त्यावर काल सायंकाळी हा भीषण अपघात झाला. अपघातात मृत्यूमुखी पडलेले तिघेही छत्रपती संभाजीनगर जिल्ह्यातल्या गंगापूरचे असल्याची माहिती मिळते. जामनेरकडून पहूरला निघाललेला कंटेनर आणि बोलेरो जीपची भीषण धडक झाली. या अपघातात शेख समीर शेख नजीर, अल्लाउद्दीन शेख, साजन बडोले यांचा मृत्यू झाला आहे. बोलेरोतून तिघेही मध्य प्रदेशातील बऱ्हाणपूर-खंडव्याकडे निघाले होते.

अपघातानंतर स्थानिकांनी घटनास्थळी धाव घेत जखमींना रुग्णालयात दाखल केले. पोलिसांच्या मदतीने दोन मृतदेह बाहेर काढण्यात आले. तर तिसऱ्याला रुग्णालयात दाखल केले. पण उपचारापूर्वीच त्याचा मृत्यू झाला होता. या अपघाताची नोंद पोलिसात झाली आहे. अपघातानंतर कंटेनर चालक घटनास्थळावरून फरार झाला असून त्याचा शोध घेतला जात आहे.