मध्यरात्री भाजप नगरसेवकावर प्राणघातक हल्ला, 2 महिन्यांपूर्वी घडलेल्या घटनेतून उगवला सूड

विजय वाघमारे, प्रतिनिधी चाळीसगाव: जळगाव जिल्ह्यातील चाळीसगाव शहरात मंगळवारी मध्यरात्री भाजपचे माजी नगरसेवक प्रभाकर चौधरी यांच्यावर कोयत्याने प्राणघातक हल्ला झाल्याची घटना घडली आहे. या हल्ल्यात चौधरी गंभीर जखमी झाले असून त्यांना पुढील उपचारांसाठी धुळे येथे हलवण्यात आले आहे. या प्रकरणी, चौधरी यांच्या मुलाने दिलेल्या फिर्यादीवरून चौघांविरुद्ध चाळीसगाव शहर पोलीस ठाण्यात गुन्हा दाखल करण्यात आला असून, आरोपींच्या शोधार्थ पोलीस पथके रवाना झाली आहेत.